喺今天嘅大數據時代，數據科學(Data Science)已經成為一個好多人爭住入行嘅領域。但係，唔講你唔知，商業智能(Business Intelligence) 亦都係另一個興起嘅IT行業，吸引左好多零數據科學經驗嘅IT人入行。
商業智能分析師喺老細群中越黎越搶手，係因為每個小型，中型同埋大型嘅企業都可以從商業智能中得益，對公司未來發展嘅前景好重要。
咁商業智能分析師究竟係究竟做啲咩呢？
傳統上，每間公司都依賴於存儲喺數據庫中的記錄。但係，通過傳統嘅數據收集方法，用戶需要收集同埋分析大量的大量雜亂無章嘅數據，非常之嘥時間！
有商業智能就唔同喇！因為商業智能分析師可以製造一個有系統嘅Data Warehouse，定期㩒兩下，就可以輕鬆獲取數據，同埋利用所得嘅資料進行性能分析。
透過商業智能，生產力可以仲得到提升，幫公司賺多啲！
試諗下，一間連鎖超市如果想分析消費者嘅購買習慣，點樣可以用最短嘅時間，黎得出最準確嘅結論？其實依家好多超市都有嘟嘟咭或者app，以優惠黎吸引顧客，商業智能分析師可以快速分析收集番黎嘅客戶資料，例如佢地嘅性別，年齡，地理位置同埋喜好，從而推出更多迎合顧客嘅政策，推動公司增長。
之後，商業智能分析師可以將數據可視化(Data Visualization)，清清楚楚，好有條理咁用統計圖形，揾
出一個在效嘅解決方案黎幫老細規劃未來。
商業智能分析師有咩出路？
IT人如果有興趣，同埋基本分析技能，都可以成為專業嘅商業智能分析師。
商業智能分析師職業發展好，而且備受重視。佢地通常會向最高管理層報告，並且喺公司決策中擔當重要角色。
最最最重要嘅係，商業智能分析師人工真係唔講得笑！初級到中級嘅商業智能分析師人工通常大概HKD $40,000港幣。如果係做經理角色嘅，可以年薪過百萬！
心郁郁想發展下BI事業，不如報個course了解下做BI Analyst嘅基本技能？