有無諗過坐喺屋企,唔駛走幾轉銀行,都可以同人進行大型買賣?買車買樓, 一click交易就又安全又快捷地完成?
相信大家間唔中都會聽到 “Blockchain”依個詞。 但係,所謂嘅“Blockchain"區塊鏈究竟係咩?
作為Bitcoin背後的主要基礎,啲人成日都話區塊鏈技術係一種數字電子表格 (digital spreadsheet) 或者分類賬 (ledger),佢以一種透明度極高嘅方式黎保存記錄,唔需要中央數據存儲。
每當有交易嘅時候,果宗交易會被送到由電腦組成嘅P2P網絡,稱之為節點(node)。 節點網絡對交易進行身份驗證,然後將依筆交易同其他交易結合起黎,做一個新嘅分類賬數據塊,添加到現有區塊鏈中。
喺區塊鏈網絡上嘅交易,係無辦法被竄改或停止,所以有利於大型交易,例如賣一間屋或者買起人地公司。
- 點解佢比銀行更安全?
區塊鏈點解咁安全?試諗下,如果你想將間房賣俾你朋友,你同你朋友都要親身去銀行一齊批准依單交易。 好簡單,銀行係儲存你的account資料嘅中央數據庫。 收到你order, 銀行會驗證交易嘅真確性,之後記錄同埋更新你嘅帳戶。
弊就弊在, 因為銀行有自己嘅規矩黎管理貨幣,客戶幾乎無可能阻止銀行系統被篡改,又或者銀行被黑客入侵,對客戶好無保障。
依個就係區塊鏈技術發揮作用嘅時候。 佢扭轉左一直以黎我地對銀行嘅依賴。有左Blockchain, 當有交易發生嘅時候,節點可以好快速識別交易嘅真偽,並且提供一個永久性的批准標記。 如果有人試圖混水摸魚咁轉賬,區塊鏈會好聰明咁即刻終止交易。
- Blockchain 對我地社會有幾大威力?
依家我地知道區塊鏈可以減低欺詐和操縱交易嘅風險。 其實,區塊鏈可以喺好多唔同嘅領域使用,例如房地產交易,金融,智能合約,智能財產甚至智能停車,同埋數據驅動 (Data-Driven) 的城市管理。
雖然區塊鏈技術仲叫做處於起步階段,但應用越黎越廣泛,唔怪得被譽為繼互聯網後一大技術發展!