喺大數據時代，有一個啱駛啱用嘅軟件黎分析都好重要。Exce作為上世紀最普及嘅電子表格軟件，已經慢慢被淘汰。點解？
因為Excel可以話係獨家村，數據獨立於其他系統、唔可以自動更新，好容易導致大量出錯。仲有,可導入嘅數據量都有限制，大大拖慢分析過程。
仲用緊Excel 黎present嘅你，唔想被out，不如學下以下嘅 軟件？
1) Tableau
因為Excel係”靜態軟件”, 唔可以展示動態數據，所以通常都需要PowerPoint配合黎呈現數據。最弊嘅係，Excel並唔適合處理大規模嘅數據，好容易lag機。
而Tableau係一個excel-like嘅軟件，但可以更全面咁可視化數據 (Data Visualization)，直接連接數據庫，呈現動態的數據變化，絕對能滿足大多數企業對數據分析同展示嘅需要。
Tableau 簡單易用，start-up cost低， 只需要買個licence 就即刻用得，唔怪得成為近年最受吹捧嘅軟件。
2) MS Power BI
Power BI 係一個以雲端為基礎嘅商業分析工具，喺數據分析方面都係同Tableau一樣，以快狠準做主打。
視覺化工具仲可以合併黎自唔同資料庫嘅資料，加上內置超過20 種以上的內建視覺效果，可以更有效地做出豐富嘅圖表。
仲有Mobile Alert, 適合啲貴人事忙嘅IT人隨時update，Data一有變動，就可以即時通知管理層，作出有利公司嘅決定。
3) QlikView
而QlikView 都係一個受歡迎嘅Data Visualization工具。
大致功能都係同Tableau, Power BI差唔多，但係突出嘅地方係，QlikView 可以壓縮資料，並保存喺記憶體中，同時俾多個使用者隨時隨地用。
但係佢地嘅數據處理速度好大程度依賴硬件，所以如果係一般嘅企業電腦，可能處理數據會比較慢。
講到尾，用Data Visualization 軟件都係想以最快嘅速度黎呈現分析結果，同老細present嘅時候會自然顯得更sharp醒！Click入黎Venturenix Lab 睇下相關課程！