區塊鏈Blockchain嘅誕生快速咁席捲IT行業。Blockchain 可以確保安全，保密同高透明度嘅交易，咁究竟區塊鏈對各行各業有咩衝擊？
- 物流和食品安全
無Blockchain，一切只講求個 ”信” 字！
例如，當消費者去超市買豬肉，佢地要 ”信” 間超市正當同衛生地處理肉類；當紅酒收藏家上網買紅酒，佢地根本驗證唔到支酒嘅出處，只可以”信” 個賣家。我地現有嘅系統缺乏透明度，我地喺咩都唔清唔楚嘅情況下，只可以對由上而下嘅供應鏈盲目咁信任。
區塊鏈影響可以話係革命性，將供應鏈嘅透明度提高到一個全新嘅水平。
好簡單咁講，從消費者嘅角度出發，如果喺超市買隻雞，佢幾時出世，用過咩疫苗，喺邊個農場度養大，有無打過激素，click 一click即刻可以check 到。
而零售商會知道佢供應商所有嘅交易，因為所有嘅交易都會儲存喺一個開放的虛擬空間(Distributed Ledger)中，並且唔會被黑客入侵。
- 投票
網上投票係對大忙人嘅恩物，但係網上投票有自身嘅缺陷，佢嘅安全級別低，有欺詐風險，而且用人手數票有可能會導致錯誤或者被人操縱。
區塊鏈影響到選舉過程的準確性同埋安全性。 選民嘅身份可以被驗證，而目每次投票都係不可被篡改。 所以，區塊鏈投票可以避免選民欺詐，並且保持清晰嘅選票記錄，防止選舉結果受到干預或操控。
區塊鏈投票其實已經付諸實踐。 非洲嘅Sierra Leone成為第一個進行區塊鏈選舉的國家。陸陸續續，將會有更加多嘅國家，好似俄羅斯，會用區塊鏈黎確保公平選舉。
區塊鏈對各行業嘅影響，又點止咁少丫？留意我地下一篇，睇下仲有邊啲行業受惠！