好多人約略聽過何謂blockchain, cryptocurrencies 都係因為比特幣(Bitcoin)或者以太坊 (Ethereum)。現階段Blockchain都尚算係科技界, 金融界嘅寵兒， 好多公司都絞盡腦汁點樣用Blockchain黎提升效益。唔講你唔知，依排又有粒好多跨國企業虎視眈眈嘅科技新星，就係區塊鏈即平台服務 (Blockchain-as-a service/ BaaS) 。
咩係區塊鏈即平台服務？
區塊鏈即平台服務主要概念係佢融合左包羅萬有嘅功能，涵蓋區塊鏈領域嘅所有需求，幫助企業用雲端服務基礎設施，減少區塊鏈開發嘅大量後端工作。
- 區塊鏈即平台服務有咩用?
大概知道咩係區塊鏈即平台服務嘅人，之後會問，咁區塊鏈即平台服務有咩用?
首先，我地要搞清楚 “公有鏈”同埋”私有鏈”嘅分別。
之前提過區塊鏈用分散式帳本技術，用黎記錄交易資料，好處係安全，不可篡改，有分散性，應用於加密貨幣，智能合約同埋網上交易。
Bitcoin就係公有鏈嘅例子，世界各地嘅人只要有電腦嘅就可以讀取資料。區塊鏈可以係公眾共同擁有，亦可以私有。
BaaS嘅出現係源於越來越多企業投資喺私鏈開發。私有化嘅區塊鏈，顧名思義，即係只在有該企業可以進入。點解企業想要私鏈？因為咁樣，任何交易都可以同步轉移到不可篡改嘅帳本 (Ledger) 裡面，得以保證透明度、加密性、資料完整性等等。同時，私有鏈交易速度非常快，私隱度高，交易成本低，所以十分有利於金融銀行行業內部運作。
例如，科技巨頭微軟通過Azure提供BaaS, 另一巨頭IBM亦都有提供區塊鏈即平台服務，加入Hyperledger項目，幫助多間大公司創建同管理區塊鍊網絡，同時幫助銀行加快處理業務，佢地嘅區塊鏈平台開拓左銀行支付的新平台，令較費時嘅跨境支付同埋結算更加有效率，就算喺世界唔同角落，都做到實時轉帳。
IBM Hyperledger具有基於Hyperledger Fabric的自己的BaaS，並通過Bluemix雲平台提供
2016年2月 – IBM向Linus基金會的開源Hyperledger項目提供了成千上萬行代碼，以幫助開發人員輕鬆構建安全分佈式分類賬，可用於交換幾乎任何有價值的東西
啟動這項新服務後，IBM旨在幫助開發人員創建和管理區塊鍊網絡，為新一類分佈式賬本應用提供支持。
- 有咩方法幫公司做條私有鏈？
公司如果想自己做條私有鏈，喺無區塊鏈公司嘅協助下，都幾難開發！所以除左IBM，依家好多科研公司，例如Microsoft, IBM, Baidu都食住個勢，推出BaaS服務, 為企業提供喺雲端搭建區塊鏈嘅所有必需品 ，開創安全、可信、可互嘅私有鏈。
區塊鏈有咁大市場潛力，一於再學深入啲，為未來事業作好準備！