依家嘅技術發展神速，快到好得人驚。智能合約(Smart Contract) 係近年比較顛覆性嘅技術之一。
咩係智能合約？喺Bitcoin發明之前, “智能合約”一詞喺1997年就已經俾計算機科學家/法律學者Nick Szabo提出過。尼克建議用分佈式分類賬 (Distributed Ledger) 黎儲存合約，以取代一疊疊嘅傳統合約。智能合約令用家唔再需要依靠信任同埋法律黎約束雙方，因為透過Blockchain 技術，智能合約可以自動執行，唔再需要第三方協助，所以律師，公證人依啲傳統中間人通通出局。
智能合約點運作？
智能合約簡略廿秒解釋完畢。跟住落黎嘅問題係，“智能合約點運作？”
用Kickstarter做個例子。眾所周知，Kickstarter提供一個平台俾創作者為宣傳佢地嘅想法或產品，從而籌集資金。所以，Kickstarter算係一個代理（亦可叫第三方）。
1.用Kickstarter
同智能合約唔同，Kickstarter有嘅係傳統眾籌結構。如果一個創意項目獲得成功資助，項目團隊會期望Kickstarter向他們提供募集的資金。相反，如果項目未能獲得資助，投資者會希望Kickstarter退款。
但係, 先要條件係，我地要百分百信任Kickstarter，要信任佢可以妥善處理依筆錢，會依時提供資金或者退款，堅守遊戲規則。
2. 用智能合約
而智能合約的機制係唔需要第三方，即係話佢係自我執行，無中間人。
如果要眾籌，智能合約喺達到某個目標金額前，可以保存所有收到嘅資金。投資者首先將佢地嘅資金轉移到智能合約上，依啲合約將在成功資助後自動轉交給發明人
如果項目未能達到目標，資金將自動退番俾投資者。通過依種方式，資金通過區塊鏈技術，儲存喺智能合約裡面，完全無任何一方控制筆資金。
用咩支援智能合約？
根據官方網站，以太坊 (Ethereum) 係一個“分散式平台，專係為智能合約而研發＂。
同Bitcoin唔同，Ethereum研發早期就以智能合約為中心，用左七種唔同嘅編程語言黎支援智能合約，其中嘅”Solidity” 編寫程式就被廣泛使用。 而Bitcoin係用通用語言 (C++) 黎設計，主要支援支付技術。所以Ethereum就成為智能合約嘅主要平台。
智能合約有咩好？
1.安全而且永久
一旦建立左智能合約，無論你IT有幾勁，有幾精湛，都永遠改變唔到合約嘅代碼，因為佢係不能受干擾或者篡改。
2. 分散式
合約的輸出由網絡上每個人驗證。 單方面係唔可以強迫智能合約釋放資金，因為網絡上其他人會發現，並標記佢為無效，所以想篡改智能合約—Impossible!
智能合約有咩實質作用？
智能合約有大把功用，例如銀行可以用智能合約黎提供自動付款，保險公司又可以用佢黎處理索賠的保險，就連銀行Barclays都利用智能合約來買賣衍生產品。
以Blockchain主導嘅智能合約將會一步步取代傳統合約，所以Blockchain真係唔識唔得啦！