唔通人人都係溝通達人?

個個CV都話有 “Excellent Communication Skills”, 唔通人人都係溝通達人?

啲人成日話要喺事業上要成功,良好嘅溝通能力好重要。咁究竟何謂良好嘅溝通能力?

唔通講野有eye contact, 對client態度客客氣氣,有口才同說服力就叫做好嘅溝通技巧?大-錯-特-錯!一個Good communicator 當然不止於此!

  • 對內外一樣圓滑

一個好嘅溝通者,要同BB仔pat pat一樣,又圓又滑。例如做IT Sales,若果你夾喺老細同個客中間,一方面你要諗下點樣穾顯你嘅親和力同個客present,令佢好舒服咁繼續同你傾落去。你雙耳都需要大派用場,用心聆聽同了解個客嘅要求,而唔係得你講,無佢講。

同時,反映俾你上司聽都要有技巧,除左要清晰地傳遞個客嘅要求同難處,仲要設身處地為對方著想,例如老細嘅target係咩?而你有無解決方法提供俾你老細?一個好嘅溝通者有input,亦要有output !

  • 對下屬顯大將之風

唔好以為同下屬無野嗲 ,就唔駛溝通。

上頭有咩指示,你都要分派俾啲下屬做㗎?好嘅溝通能力需要你分工鮮明,清楚咁表達你想佢地完成嘅task,令下屬樂意聽你支笛。好嘅溝通者要推動士氣,定期update 下公司黎緊方向,鼓勵到下屬繼續為公司向前。

一個好嘅溝通者其實同咩人都會work到,上至大老細到下屬都對你信任十足,咁你喺成間公司做野都得心應手!