TVB由六月開始炒左接近150個員工，官方原因係公司重組同電子轉型。唔駛講，一下子炒咁多人，一定比人批評話無良僱主，無良心等等。
究竟係企業鐵石心腸，定係IT 員工已經漸漸唔上時代步伐，而失去優勢？
TVB炒人啟示
雖然傳統嘅翡翠台仍然係最多人睇，但由幾年前開始，TVB已經全面開發全方位的嘅媒體平台，包括地面電視、myTV SUPER OTT 服務同埋網上社交媒體，為數碼發展帶來嘅機遇作好準備。數碼平台保證到一班忠實嘅觀眾群，係因為數碼平台令觀眾可以隨時隨地喺任何裝置，選擇想睇嘅節目，模式切合現今嘅生活方式。
數據反映數碼新媒體收益狂飆
根據TVB 2017 周年報告，數碼新媒體業務嘅總收入係 $306M, 比起2016年嘅$230M，升幅超過30％。而雖然傳統電視廣播仍然係TVB收入之冠，2017 年總收入為$2,707M，比2016年嘅$2,870M 微微上升，升幅只係6％。 所以，可以睇到數碼新媒體嘅潛力無可限量，要取代傳統嘅媒體指日可待。
而TVB主席陳國權亦都好坦白咁講，大眾嘅電視消費行為正在急劇改變，唔會再每晚坐定定等睇電視，TVB受到數碼技術嘅衝擊，所以作為企業嘅領導者，不得不當機立斷。先撇除對TVB嘅偏見，其實陳主席言之有理，唔想喺市場被淘汰，就要識得求存取捨。
數碼媒體工作大幅增加
做員工嘅其實都一樣需要未雨綢繆，既然數碼轉型已經係大勢所趨，進取嘅員工就應該為自己增值，瞭解下如何為公司制定電子數碼策略，打造自己為電子科技人才。
況且，去Linkedin睇睇，各大企業對電子科技 (例如Digital Marketing, UX Designers, Brand Strategist, Digital Product Manager) 嘅招聘每日遞增，需求可想而知。
可以好肯定咁講，數碼轉型將影響每一個行業。所謂時勢做英雄，IT人注定要成為數碼轉型嘅導航者。想分一杯羹？不如報個Venturenix Lab 嘅課程黎提升自己嘅競爭力？click入黎睇下！