有一日 ，你老友好似中左六合彩咁同你講，「有間公司俾左個 Offer 我，做數據科學家 (Data Scientist)！」跟住你有幾十個問號，心諗究竟「數據科學家」係乜東東？
要成為一名真正嘅數據科學家，係一樣易學難精嘅學問，要掌握嘅專業知識包羅萬有，例如計算機科學、編碼、數學知識、以至到 Commercial Awareness (商業洞察力) 及 Communication Skills (溝通能力) 等等。簡單嚟講，數據科學家嘅職責，要好有 Sense 咁將一大堆數據組織好，然後加以分析，再遞比你同我嘅老細過目。主要職責係幫公司揾出解決問題同持續增長利潤嘅最佳方案。
踏上這無盡嘅康莊大道
根據調查公司 McKinsey 嘅調查，美國喺 2018 年就有 190,000 數據科學家嘅職位空缺。同樣地，香港對數據人才嘅需求開始越嚟越大，工作待遇當然自然提升。隨著行內人才嘅渴求 ，越嚟越多大公司例如 Apply、Netflix、Uber、Google 及 Amazon 本身已經有數據科學團隊，但相繼不斷以「人工高，Title 好」出招搶人。Venturenix LAB 先前舉辦嘅 LinkedIn x Data Scientist Networking Event 更吸引唔小大公司嘅 HR 到場爭人，現場過百人參與 。
而根據 payscale.com 顯示，一個中層嘅數據科學家月薪大概係HKD 45-50k。 以香港人工中位數 HKD 15K 嚟講，Data Scientist 嘅人工真係無得輸，而晉升前景更可以講係一望無際。
香港數據專才市場有巨大需求
數據科學家變得搶手係一個不爭嘅事實。但係香港嘅 Data Science 工作市場其實都未完全 Catch up 到外國，例如「Data Scientists」又或者「Data Architect」喺美國係令人自豪嘅行業。但喺香港，因為仍然有好多人對依個行業唔了解，所以啲大公司寧願以 Analyst / Programmer 嚟做招徠。
為左改變依個誤解，近年有唔少新興嘅培訓學校搞 Courses 幫助有意入行嘅專才，又或者本身有基礎底嘅 Data Analyst 再培訓，Venturenix LAB 就係其中一間有提供 Data science 及唔同 Digital course 嘅學校。如果你對數學、統計學及編碼知識好在行，而又有興趣想轉行或進修，當然係 Big Plus 啦。 但係如果無都唔駛擔心，因為遲起步唔代表跑得比人慢，最緊要事在人為！依加可以立即上 Venturenix LAB Facebook 讚好專頁及瀏覽佢哋最新嘅試堂資訊。如果嫌麻煩，都可以直接 WhatsApp☎ 同真人查詢！
數據科學家咁好景，你依家終於明白點解你老友有 Offer 好似中頭獎咁開心啦！