1. 有意義嘅工種
TTT 屬於高情操動物，重視嘅遠遠超過金錢。
佢地傾向於選擇有趣，有意義嘅項目上，而唔係從事一啲高人工但係無得發揮嘅工作。
要成功吸引TTT過檔，重點在於要突出公司嘅長處，令TTT刮目相看，例如公司產品嘅質素或者工作環境，從中證明公司對自身嘅要求，令每個員工為自己係公司一份子為榮。
如果想要招聘科技界最聰明的人，雇主需要了解TTT嘅工作動機同價值。
2. 夾得埋嘅公司文化
公司文化對於高智商嘅TTT非常重要。試諗下，當TTT要專注喺工作同創新，但公司充斥住被三姑六婆，是是非非，無論係一個幾高EQ嘅IT人都會被影響。
良好嘅工作文化，例如員工友善度，工作彈性，或者創新文化，都會令到TTT對公司有好印象，容易培養歸屬感同增升表現。
雇主應該有意識地為公司文化定位，認真諗下點樣令自己公司文化成為吸引人才嘅撒手鐧。
3. 有份參與其中
員工參與度都係TTT考慮因素之一。大多數TTT都會希望某程度上有自主權，甚至話事權。
如果公司願意嘗試俾機會TTT投入公司嘅決策過程，等佢地試下超越工作範圍的工作，提供學習同成長嘅機會，相信唔少TTT都願意捨棄稍為高薪嘅工作，而轉投依間公司。