睇履歷並唔係獵頭公司唯一嘅工作。獵頭公司有個好重要嘅任務，就係引導求職者講真話。獵頭公司之所以無可代替，係因為能夠為客戶同求職者兩方取得共識平衡，成為兩方嘅橋樑，咁candidate接受offer嘅機會就會大大提高。
唔想俾求職者拒絕？點解揀一間比較 “專” 嘅獵頭公司咁關鍵？
- 專門獵頭公司有眾多專才，任君選擇
一間成功嘅獵頭公司通常都有專門果幾瓣。以我地Venturenix為例，我地專門揾 IT and digital space 嘅candidate。我地肩負重任，會根據client提供對專長，人工，年資嘅要求要去篩選申請者。
有眾多專才喺手係一個好大嘅優勢，唔需要大海撈針，有超高彈性。試諗下一間專嘅獵頭顧問有五十個IT人才同埋五十份IT相關工作喺手。一方面可以喺深入分析每個IT candidate同埋client，再去速配佢地，又或者提供內幕消息俾雙方；另一方面可以客觀角度同個client 去分析各個candidate比其他人優勝之處。
- 專門獵頭公司會令求職者講真話
係人都估到求職者黎面試，都唔會100% 講真話。為左留下好印象，可能會誇大下自己經驗背景，又或者話自己唔介意人工低過Expected salary。 HR 唔係測謊機，咁當然獵頭公司都唔係。
不過通常求職者喺獵頭顧問面前都會比較舒服自如，肯透露自己對轉工嘅憂慮，對事業前景包括 對人工，升職有咩期望等等。求職者都願意同獵頭顧問打開心屝，誠懇講出自己要求。依樣野喺HR面前發生嘅機會係微乎其微。
專門嘅獵頭顧問以自己對某行業嘅專業知識，同candidate 黎一場真誠對話，籍此可以更全面地了解佢，然後同番client講candidate有咩專長同埋技能係對公司日後發展特別有幫助，同埋對整體package有咩要求，為兩方爭取到共識，咁樣就可以確保大家都稱心滿意，接受offer嘅機會就幾乎百分百。
所以，一間專門獵頭公司會唔會增加命中candidate率？答案係 一定會！