雖然IT界人才濟濟，但係近年出現左個矛盾現象，就係充斥住冗員嘅同是又鬧人才荒。究竟點解IT專才咁渴市，但係又快速炒人,火速請人?
- 舊嘅技能太落後
以前被視為＂神技＂嘅技能喺今時今日已經無用武之地。依家係電子社交媒體，流動應用程式，編碼等嘅年代，如果你嘅履歷剩係得最普通果幾味, 真係無咩吸睛力。
落後嘅技能會喺創新嘅年代被淘汰。例如以前做維修保養電腦電話線嘅好吃香，但係依家時代變遷，仲邊在公司有成team IT長駐喺office等維修 , 大部分都係外判出去俾人做。
又例如，公司以前啲實體伺服器舉足輕重，一壞左就等於成個數據庫冧左，所以的而且確以前嘅數據管理人員係不可或缺。但係依家，唔會再有公司在一舊舊實體serve喺辦公室，用雲端網絡將所有數據放上舊 “雲”度先係大勢所趨，雲端管理員變成最灸手可熱嘅一行。
儲存數據嘅方法唔同左，技術專才亦都交替轉移。IT 有好多瓣都出現類似情況，所以話過時嘅技能真係好蝕底，令你喺公司可有可無，亦都係俾僱主裁出黎嘅最主要原因。
- 新興技能太渴市
喺資訊網絡發達嘅年代，加上隨住智能手機嘅普及，產品管理，電子傳媒，技術支援係渴市技能，因為上至跨國企業， 下至startup 都需要IT從業員。
以前個年代做廣告嘅，只有紙媒或者電視嘅渠道黎幫個客宣傳，但係依家可以利用Facebook, Instagram, YouTube 依啲社交媒體擴大推廣宣傳，以進一步開發市場。所以依家叻做電媒嘅比較著數。
IT 嘅技能瞬息萬變。寫app好手喺十年前可能好吃香，發展蓬勃，幾乎每個app一 推出都會俾人下載。但十年後，市場已經飽和，需求迅速下降。如果你本身對前端開發，編程，程式設計有一定嘅知識同了解， 可能依家係好多公司不可或缺嘅資產，但無人會估到下年有邊種新興技能會再渴市。
喺IT嘅行業，物競天擇, 適者生存，與時代脫節嘅IT 人好自然會被淘汰。
講咁多，唔係想嚇走啲IT 人，而係想勉勵佢地其實技能可以再訓練過。Venturenix 專門尋找人才同埋投資新興中小企業。我地最在行為客戶揾最適合嘅人選，分享最新嘅IT商機資訊，同時為candidate配對一份合適嘅工作，發放最update嘅市場資訊，為佢地抓緊新機會。想事業更上一層樓？不妨同我地嘅顧問傾下, 了解一下IT人嘅未來出路。