見工嘅時候，最緊要了解自己嘅專長喺市場上價值幾多，咁就可以避免獅子開大口嘅情況出現。如果你知道公司有35K Budget, 但係你上份工嘅人工只係20K，你會點做？
如果你嘅Expected Salary都照寫35K，咁就好唔合理，同時都削減左你自己嘅機會，因為你同緊一樣叫價35K, 但比你更有經驗，更值得嘅攞35K嘅人喺度爭鬥。
轉工要點叫價? 何謂叫一個 ”啱” 嘅價呢？
- 定個合理底價
轉工要點叫價? 其實每個人嘅技能都會有個price tag，所以心目中一定要有一個底價。如果你以前係做Coding, 但係你去見一份programmer嘅工，兩個位屬於完全唔同嘅工種，要求嘅技能都唔一樣，所以你之前嘅人工就會無左參考價值。所以要識得為自己嘅技能定價，要清楚知道自己嘅價值。
遇到類似以上例子嘅情況，如果你叫價10 －15%人工升福，而唔係問到盡，要求35K，咁就稍為合理啲。試諗下, 做老闆既都會諗, 如果請一個冇咁好經驗既求職者，我要投資時間培訓佢, 佢人工低啲, 幫公司慳到錢，到佢做到野既時候我加番佢去到35K ,佢又會開心，何樂而不為? 相反，如果明知要培訓你，但你又叫價叫到盡，點解佢唔慳番啲培訓時間，用35K 請個經驗多少少，唔洗點培訓既人呢?
如果你夠薑嘅， 甚至可以表達自己過咗試用期之後，希望有嘅人工目標，令老闆感覺到你覺得自己有價值。
- 寧願作長遠投資
雖然份工有35K Budget，但唔代表你就可以開大個價。如果你叫價低啲, 咁可能就可以喺個Junior pool 突出自己。雖然人工只可以比之前多少少, 但有啲公司會願意請平啲請個Junior, 以後嘅日子會訓練你, 令你成為一個值35K嘅candidate。其實個Job Description 比人工更重要，因為長遠黎講，可能你份工會教你一啲新技能，唔駛自己出錢進修都可以提升自己， 咁仲唔係袋錢入你袋？
叫價低啲，又唔係蝕章嘅，諗下份工可以點裝備你, 兩三年後原來你可以儲到35K嘅價值，咁下次見工嘅時候又可以增加談判力啦！