做User Experience嘅神級境界，就係做左都唔覺，自然得嚟又好用。點解UX designers咁吃香？試想像下，你同一個素未謀面嘅人見面，人與人之間嘅第一印象好關鍵，所以你都會執得正啲，但係其實禮儀，內涵都一樣重要。而UX designers可以話IT界嘅社交禮儀訓練家，為網站介面或者產品設計，為品牌建立良好印象。
近年好多公司都物色UX專才，甚至專為用戶體驗設立為獨立部門。根據統計顯示，有啲UX designers人工待遇相當唔錯，Junior職位平均2-3萬月薪，Department Head月薪仲高達$90,000!
咁一個成功嘅UX Designer要具備咩條件？
1） 細心 + 注重細節
一個成功嘅UX Designer嘅職責係要諗一啲好人性化嘅概念，需要分析用戶期望，做好市場研究，然後細心觀察同埋追蹤用戶嘅喺使用一件產品時嘅行為。呢一啲嘅產品可以係硬件、服務又或者大家宜家日常經常接觸嘅數碼產品。
以做網頁介面嘅UX Designer為例，一張相片或者一個按鈕所擺放嘅位置都要一絲不苟，仔細到連用戶眼球望邊都要研究。因為每一個小步驟都會影響用家對使用網頁嘅體驗，從而影響佢哋喺網頁嘅下一步行為，譬如簡單至下載一份單張，或者直接喺網頁購買一件貨品。
2）要有同理心，將心比己
一個成功嘅UX Designer要先由自己角度出發，然後切身處地為用戶設想，提供便利。
想像一下如果自己係時裝網站用家，當然都會希望用一個簡單易用流暢又美觀嘅介面，衫褲鞋襪分類清晰。譬如自己網上購物嘅時候都唔會想有大量廣告彈出，但作為公司嘅UX Designer，就要衡量點樣建議多啲唔同嘅產品俾用家從而增加銷售，而廣告位置又唔會影響用家嘅購物體驗；作為用家亦的確希望網頁可以建議類似貨品或穿搭。所以UX Designer嘅角色，除左要不斷改良介面，仲要配合公司方向。如果下次公司有summer sale，UX Designers就要知道點樣去吸引用戶嘅注意力。
3）設計觸覺
雖然細心同埋同理心係與生俱來，但係設計觸覺就可以訓練番嚟。一啲UX設計法則只要透過專業課程一點就明，而且路路暢通，喺咩類型嘅公司，UX定律（例如用家市場研究、裝置介面、使用流程設計，功能規劃）都可以大派用場嚟優化使用者體驗。
用戶體驗已經成為一項新興專業，如果你自問係追得上潮流嘅IT人，不妨去Venturenix Lab報名參加UX設計課程，為自己提升競爭力？